У нядзелю 31 снежня дзеці нашай парафіі выступілі са спевамі і пастаноўкай пра Божае Нараджэнне. Невялічкі канцэрт прайшоў у касцёле пасля святой Імшы ў 11 гадзін.
Канцэрт стаў добрай нагодай яшчэ раз паразважаць над сутнасцю свята, а таксама падзяліцца сваімі талентамі.

Чытаць далей...

Маленькія вернікі з Браслава наведалі жывую батлейку 26 снежня сёстры-эўхарысткі арганізавалі паездку для дзяцей у вёску Удзела. Там удзельнікі катэхезы для дашкольнікаў разам з бацькамі змаглі ўбачыць батлейку з жывымі жывёламі. Спачатку дзеці зайшлі ў святыню, каб памаліцца.

Чытаць далей...

Пасля святой Імшы ва ўрачыстасць Божага Нараджэння многія дзеці нашай парафіі атрымалі падарункі. Яны ўвесь Адвэнт прыходзілі на ранішнюю раратнюю Імшу.
Напэўна, для дзяцей гэта было не проста: пасля святой Імшы яны ішлі ў школу ці садок. Але ўсе яны стараліся і прыходзілі на малітву. І ў гэтым могуць быць прыкладам нават для дарослых.

Чытаць далей...

Вось і настала цудоўная святочная ноч Божага Нараджэння. Пасля вячэры і малітвы ў сямейным коле вернікі нашай парафіі накіраваліся на ўрачыстую Імшу Пастэрку.
Пастэрка ― гэта Імша на Божае Нараджэнне, назва якой паходзіць ад лацінскага слова «pastor», што азначае «пастух». Менавіта пастухі былі першымі людзьмі, якія прывіталі нованароджанага Збаўцу.  Такая Імша адбываецца апоўначы.

Чытаць далей...

У суботу 2 снежня ў нашай парафіі адбыўся VII Хрысціянскі баль. Вечарына перад пачаткам Адвэнту стала ўжо добрай традыцыяй . Сёлета на ёй сабраліся каля 170 вернікаў з нашай парафіі, а таксама госці з Шаркаўшчыны і Глыбокага.

Чытаць далей...

У суботу 28 кастрычніка ў нашым касцёле прайшло агульнадыяцэзіяльнае спатканне груп Апостальства дапамогі душам чысцовым. У гэтым годзе да Апостальства далучыліся вернікі з Відзаўскай і Пагашчанскай парафій.

Апостальства дапамогі душам чысцовым – арганізаваная форма апостальства Кангрэгацыі сясцёр памочніцаў душам чысцовым, якую заснаваў бл. Ганарат Казьміньскі і маці Ванда Алендская ў 1889 годзе ў Закрочыме.  Апостальтва дапамогі душам чысцовым – гэта малітоўны рух, удзельнікі якога ахвяруюць свае малітвы, працу, цяжкасці, цярпенні за душы памерлых, якія пакупуюць у чысцы.

Чытаць далей...

18 кастрычніка адбылася малітоўная акцыя ў інтэнцыі супакою ва ўсім свеце «Мільён дзяцей моліцца на Ружанцы». Гэтую сусветную ініцыятыву арганізуе Папскі фонд «Дапамога Касцёлу ў патрэбе». Дзеці з нашай парафіі ўжо не першы раз удзельнічаюць у ёй, але ўпершыню трансляцыя вялася ў тым ліку і з Браслава. А яшчэ з Мінска, Гомеля, Гродна і Магілёва.

Чытаць далей...

У гэтым месяцы пробашч браслаўскай парафіі ксёндз Станіслаў Мжыглуд SDS адзначыў 25 гадоў манаскага жыцця. З гэтай нагоды ў нядзелю 24 верасня дзеці і моладзь павіншавалі святара.

Вернікі парафіі далучаюцца да словаў віншавання:
«Паважаны ксёндз Станіслаў! Дзякуем вам за гады служэння ў нашай супольнасці. Жадаем чуць голас Пана ва ўсіх штодзённых справах. Няхай Дух Святы кіруе вашымі словамі і ўчынкамі, каб як мага больш людзей сустрэлі Хрыста ў сваім жыцці і пазналі Яго. Шчыра жадаем духоўных і фізічных сілаў, здароўя, Божага благаслаўлення».

Чытаць далей...

З 14 па 19 жніўня ў нашай парафіі праводзілася летняя школа касцёльнага спеву. У ёй прынялі ўдзел асобы з Браслава, Магілёва, Мінска, Заслаўя, Віцебска і іншых парафій. Ініцыятарам школы спеву з'яўляецца арганістка нашай парафіі Іна Сапун. Заняткі праходзілі пад кіраўніцтвам Уладзіміра Неўдаха, арганіста архікатэдральнага касцёла ў Мінску, дацэнта Беларускай дзяржаўнай акадэміі музыкі ў супрацоўніцтве з Ірынай Арлоўскай і Таццянай Брытко.

Чытаць далей...

Імшу на палявым алтары ўзначаліў Мітрапаліт Мінска-Магілёўскі арцыбіскуп Юзаф Станеўскі.

У суботу 19 жніўня мясцовыя парафіяне, госці і пілігрымы сабраліся на плошчы перад палявым алтаром, каб разам маліцца і дзякаваць Богу за дары, атрыманыя праз заступніцтва Маці Божай Браслаўскай.

Чытаць далей...