ДУШПАСТЫРСКІЯ АБ’ЯВЫ НА II НЯДЗЕЛЮ ВЯЛІКАГА ПОСТУ

1. Святыя Імшы на гэтым тыдні:

Панядзелак, Аўторак, Серада, Чацвер, Субота – 08.00, 19.00;

Пятніца – 11.00,19.00;

Нядзеля – 08.30, 11.00, 18.00;

2. На гэтым тыдні:

– у сераду – успамін св. Казіміра,

– першы чацвер месяца дзень малiтвы аб святарскiх i законых паклiканнях, а таксама аб святасцi жыцця святароў,

– першая пятніца месяца, дзень малітвы да Найсавяцейшага Сэрца Пана Езуса аб святасці сем’яў нашай парафіі. У гэты дзень, асаблівым чынам, памятаем пра людзей старэйшых і хворых,

– першая субота месяца дзень малiтвы ў гонар Беззаганага Сэрца Марыi ў iнтэнцыi навяртання грэшнiкаў.

У першы чацвер выстаўленне Найсвяцейшага Сакрамэнту і адарацыя ад 18.00.  У пятніцу пасля св. Імшы ў 19.00, адбудзецца малітва аб захаванне ад злога духа.

Запрашаем Вас на набажэнства да Маці Божай Браслаўскай, злучаныя з адарацыяй Найсвяцейшага Сакрамэнту і Святой Імшой, 7 сакавіка (субота) пачатэк а 11.00. Запрашаем вас пісаць просьбы і падзякі да Маці Божай, яны будуць зачытвацца падчас набажэнства.

3. Велікапосныя набажэнствы:

Песні жальбы – нядзеля, 08.00 і 10.30.

Крыжовы шлях – пятніца, 11.30 (пасля Св.Імшы а 11.00) і 18.15.

4. Святыя Імшы, з нагоды прыналежнасці да малітоўных груп, адбудуца на гэтым    тыдні ў наступным парадку:

-у панядзелак а 19.00 – Апостальства дапамогі душам чыстцовым,  

– у аўторак a 19.00 – група Маці у малітве,

– у пятніцу а 19.00 – група Вешчуноў Божай Міласэрнасці.

5. Падчас Вялікага Посту можна складаць ахвяры на кветкі да Гробу Пана ў скарбонку, якая стаіць пры бакавым алтары з левай стараны касцёла.

6. У наступную нядзелю збор ахвяраванняў на патрэбы Caritas.

7. Запрашаем застацца сам на сам з Езусам для ажыўлення веры i падзякi.  У каплiцы Сясцер SJE адбудзецца 24 – гадзінная (кругласутачная) адарацыя.  Пачатак 5 сакавіка (1 чацвер месяца)  ў 9.00, заканчэнне ў 9.00 6 сакавіка. Просім запiсывацца па адной асобе (або сям’i) на 1 гадзiну.  Запісацца на адарацыю можна на картцы, якая знаходзіцца ў канцы Касцёла.

8. У наступную нядзелю (8 сакавіка) пасля кожнай св. Імшы супрацоўнікі Цэнтра дапамогі залежным ад алкаголю і наркотыкаў «Светач», што знаходзіцца ў Бягомлі, будуць даваць сведчанне сваёй дзейнасці. Жадаючыя дапамагчы развіццю гэтага Цэнтра, могуць скласці ахвяру.

9. Усім імяніннікам і юбілярам гэтага тыдня выказваем самыя цёплыя  пажаданні і даручаем іх апецы Маці Божай Браслаўскай.

10. На ўвесь тыдзень працы і абавязкаў няхай благаславіць вас усіх Бог Усемагутны.