1. Набліжаецца месяц лістапад, прысвечаны асаблівай малітве за памерлых. Згодна з традыцыяй выпамінкі за памерлых, св. Ружанец, а таксама св. Імшы а 19.00 будуць адпраўляцца ўвесь лістапад. Карткі на выпамінкі знаходзяцца на століку каля ўвахода ў касцёл. Запоўненыя карткі і ахвяры просім кідаць у скарбонку, якая стаіць каля бакавоха алтара з левага боку.
2. Ружанцовыя набажэнствы у кастрычніку адпраўляем ад панядзелка да суботы ў 18.30. У сераду запрашаем дзяцей і падлеткаў з бацькамі на ружанцовыя набажэнства. Запрашаем да асабістага ўдзелу ў набажэнстве, якое з’яўляецца абаронай перад злом і адыходам ад веры.
3. На гэтым тыдні прыпадае:
– у сераду, успамін св. Тэрэзы ад Езуса, панны і доктара Касцёла,
– у пятніцу успамін св. Ігнацыя з Антыёхіі, біскупа і мучаніка,
– у суботу, свята св. Лукі, Евангеліста, апекуна медыцынскіх работнікаў і капліцы ў бальніцы. З гэтай нагоды Св. Імша у капліцы ў бальніцы будзе адпраўлена у сераду ў 17.00.
4. Запрашаем на Адарацыю Найсвяцейшага Сакрамэнту ў чацвер у 18.00.
5. Дыяцэзіяльнае спатканне груп Апостальства дапамогі душам чысцовым адбудзецца 25 кастрычніка (субота) ў касцёле святога Андрэя Баболі ў Полацку. Пачатак спаткання а 10:00.
6. Усім імяніннікам і юбілярам гэтага тыдня выказваем самыя цёплыя пажаданні і даручаем іх апецы Маці Божай Браслаўскай.
7. На ўвесь тыдзень працы і абавязкаў,няхай Бог благаславіць.
Санктуарый Маці Божай Валадаркі Азёраў 