1. На гэтым тыдні ўспамінаем:
– у панядзелак свята св. Марыі Магдалены,
– у аўторак свята св. Брыгіты, законніцы, Апякункі Еўропы,
– у чацвер свята св. Якуба, апостала і успамін святога Крыштафа апекуна вадзіцеляў. З гэтай нагоды благаслаўленне транспартных сродкаў будзе ў наступную нядзелю пасля кожнай св. Імшы.
– у пятніцу успамін св. Яўхіма і Ганны, бацькоў Найсвяцейшай Панны Марыі.
2. Запрашаем на Адарацыю Найсвяцейшага Сакрамэнту ў кожны чацвер у 18.00
3. Адпустовыя ўрачастысці, звязаныя з культам Маці Божай Валадаркі Азёраў, распачнуцца ў гэтым годзе 16 жніўня. Дарагія парафіяне, вельмі важна, каб усе мы добра прыгатаваліся да гэтых урачыстасцяў, асабліва духоўна. Запрашаем усіх вас, каб праз асабістую і супольную малітву прасілі аб багаты духоўны плён для усёй нашай парафіі і ўсіх пілігрымаў, якія прыбудуць у наш санктуарый. Дакладны план урачыстасцяў будзе абвешчаны ў бліжэйшы час.
4. 2 і 3 жніўня ў санктуарыі ў Росіцы адбудуцца ўрачыстасці ў гонар благаслаўлёных марыянаў Юрыя Кашыры і Антонія Ляшчэвіча, мучанікаў Другой сусветнай вайны. План урачыстасцяў можна прачытаць на дошцы аб’яў перад касцёлам.
5. Св. Імшы на могілках:
– 27 ліпеня (субота) ў 12.00 у вёсцы Зарачча,
– 3 жніўня (субота) ў 9.30. у вёсцы Краснасельцы і 14.00 у вёсцы Струста,
– 4 жніўня (нядзеля) ў 13.00 на новых браслаўскіх могілках,
– 10 жніўня (субота) ў 12.00 у вёсцы Усяны,
– 31 жніўня (субота) ў 12. 00 у вёсцы Майшулі.
6. Сёння заканчваюцца 4-я АГУЛЬНА БЕЛАРУСКІЯ ДНІ МОЛАДЗІ. Шчыра дзякуем усім, хто прымаў моладзь на начлегі.
7. Для выканання працы і штодзённых абавязкаў, і на час адпачынку, няхай благаславіць Бог усемагутны.
Санктуарый Маці Божай Валадаркі Азёраў 