У 2017 годзе Каталіцкі Касцёл адзначае 100-ю гадавіну аб’яўленняў Марыі ў Фаціме. У Беларусі для больш глыбокага перажывання і ўсведамлення марыйнага паслання ўжо год адбываецца перэгрынацыя фігур Маці Божай Фаціскай па ўсіх парафіях краіны. У нашай парафіі гэтая падзея адбудзецца 10-12 кастрычніка.

«Амаль 100 гадоў таму, калі атэістычная ідэалогія ўсё больш паглынала ахопленую эканамічнаю разрухаю і палітычным разладам Расійскую імперыю, 13 мая 1917 г. на самым захадзе Еўропы, у далёкай Фаціме ў Партугаліі, распачаліся аб’яўленні Божай Маці. Яны працягваліся да 13 кастрычніка таго ж года. У іх Найсвяцейшая Панна прадказала гісторыю Усходняй Еўропы, у тым ліку і Беларусі, у ХХ стагоддзі, − адзначаецца ў звароце біскупаў Беларусі да вернікаў.  − Марыя як Божая Пасланніца жадала людзям дабра і імкнулася абараніць іх ад будучых наступстваў атэізму. У сваіх аб’яўленнях тром фацімскім пастушкам Яна паказала жахі пекла, прадказала завяршэнне Першай сусветнай вайны і адначасова заклікала да малітвы і навяртання, каб пазбегнуць трагічнага ўплыву атэістычнага рэжыму на маральнае жыццё людзей і развіццё ўсяго свету».

Прапануем вашай увазе праграму малітоўных набажэнств ля фігуры Маці Божай Фацімскай у нашай парафіі:

10 кастрычніка (аўторак)

  • 18.30 – прывітанне фігуры Маці Божай Фацімскай
  • 19.00 – святая Імша
  • 19.45 – набажэнства праз заступніцтва Маці Божай Фаціскай
  • 21.00 – Марыйны заклік

11 кастрычніка (серада)

  • 08.00 – святая Імша
  • 08.30 – ружанцовая малітва (група Жывога Ружанца)
  • 18.00 – выстаўленне Найсвяцейшага Сакрамэнту і ружанцовая малітва (група «Маці ў малітве»)
  • 19.00 – святая Імша
  • 19.45 – працэсія з фігурай Маці Божай Фацімскай

12 кастрычніка (чацвер)

  • 08.00 – святая Імша
  • 10.00 – выстаўленне Найсвяцейшага Сакрамэнту і ружанцовая малітва (група Вешчуноў Божай Міласэрнасці)
  • 11.00 – святая Імша
  • 18.00 − выстаўленне Найсвяцейшага Сакрамэнту і ружанцовая малітва
  • 19.00 – святая Імша на заканчэнне перэгрынацыі фігуры Маці Божай Фацімскай.

Запрашаем да актыўнага ўдзелу ў набажэнствах!