ЗАПРАШАЕМ НА РАРАТЫ 
панядзелак, сераду і пятніцу
а 6.45 раніцай
Заахвочваем усіх, каб праз малітву, шчырую споведзь, а таксама праз удзел у Раратах, добра прыгатавацца да святаў
 
 
 

Напэўна, многія браслаўчане заўважалі скарбонку з выявамі дзетак у мясцовым супермаркеце «Еўраопт» па вуліцы Кастрычніцкай. Ахвяраванні збірае дабрачынны фонд «Адкрытыя сэрцы».

Дырэктар фонду – католік, шматдзетны бацька, доктар тэалогіі, выкладчык Святога Пісання ў Вышэйшай духоўнай семінарыі ў Пінску і Катэхетычным каледжы імя Зыгмунта Лазінскага ў Баранавічах Уладзіслаў Валаховіч. Фонд быў створаны ў 2009 годзе ў Магілёве з мэтай абароны жыцця і сям’і. Сёння валанцёры моляцца ў абартарыях, існуе гарачая лінія па незапланаванай цяжарнасці, у Магілёве праводзіцца Школа падрыхтоўкі да родаў, аказваецца дапамога жанчынам, якія адмовіліся ад аборту, вядзецца праца з сужонкамі па падрыхтоўцы іх да сакрамэнту шлюбу. На сённяшні дзень дзякуючы малітве і кансультаванню ад аборту выратавана 124 дзіцяці.

«Біблія і вучэнне Касцёла заклікае нас да таго, каб ратаваць жыццё самых слабых і безабаронных, і я зразумеў гэта як заклік, скіраваны непасрэдна да мяне», − адзначыў Уладзіслаў Валаховіч у інтэрв’ю Catholic.by.

Таму, калі аднойчы вы захочаце дапамагчы ў добрай і важнай справе абароны жыцця, то смела можаце скласці свае ахвяраванні ў такую скарбонку і быць упэўненымі, што вашыя грошы апынуцца ў добрых руках.

Больш падрабязную інфрмацыю пра дзейнасць фонду вы можаце атрымаць на сайце https://www.prolife-belarus.org.


 

Святлана Жылевіч

Адвэнт

У Каталіцкім Касцёле пачынаецца Адвэнт — перыяд падрыхтоўкі да Нараджэння Божага Сына. Адвэнт — гэта таксама пачатак новага літургічнага года.

Пахаванне па Каталіцку

Смерць - гэта канец людскога пілігрымавання, але разам з тым яна - нараджэнне, уваход у новае, вечнае жыццё, у быццё дзяцей Божых, сабраных у доме Айца. Таму мы кіруемся не да смерці, але да жыцця.
Дамовіцца са святаром аб каталіцкім пахаванні можна ў сакрыстыі.

Ліста лектараў (лістапад - люты)

Паважаныя Парафіяне!
 
Для абвяшчэння Слова Божага пакліканы найперш біскупы, святары і дыяканы. У выкананні гэтага абавязку ім дапамагаюць лектары. У супольнасці вернікаў лектары чытаюць Божае слова, тым самым выхоўваючы ў веры дзяцей і дарослых, рыхтуючы іх да годнага прыняцця сакрамэнтаў.

РАСКЛАД НАБАЖЭНСТВАЎ

Кожны католік мае абавязак у нядзелю і абавязковыя святы ўдзельнічаць у святой Імшы – Эўхарыстыя

Расклад святых Імшаў у нашай парафіі ў нядзелю:
8.30 11.00 15:00 19.00

КАРОТКІ КАТЭХІЗІС

ПРА СВЯТЫЯ САКРАМЭНТЫ

78. Што такое святыя сакрамэнты?
- Сакрамэнты - гэта дзейсныя знакі ласкі, устаноўленыя Езусам Хрыстом і даручаныя Касцёлу, праз якія мы атрымліваем Божую ласку.
79. Колькі ёсць святых сакрамэнтаў?
- Ёсць сем сакрамэнтаў:
     І.     Хрост.
     2.    Канфірмацыя.
     3.    Эўхарыстыя.
     4.    Пакаянне.
     5.    Намашчэнне хворых.
     6.    Пасвячэнне.
     7.    Сужэнства.
80. Якія сакрамэнты можна прымаць толькі раз у жыцці?
-  Раз у жыцці можна прымаць хрост, канфірмацыю, пасвячэнне.
Go to top