ЗАПРАШАЕМ НА РАРАТЫ 
панядзелак, сераду і пятніцу
а 6.45 раніцай
Заахвочваем усіх, каб праз малітву, шчырую споведзь, а таксама праз удзел у Раратах, добра прыгатавацца да святаў
 
 
 

З 17 па 24 верасня ў санктуарыі Божай Міласэрнасці ў Лагеўніках (каля Кракава, Польшча) праходзіла Міжнародная канферэнцыя кардынатараў руху «Маці ў малітве». Удзел у ёй прынялі і прадстаўнікі нашай парафіі: кардынатар руху па Віцебскай дыяцэзіі Паліна Парфяновіч, спадарыня Марта Данусевіч і спадарыня Алена Ермалавічэня, а таксама духоўны кіраўнік руху ксёндз Адам Квяткоўскі.

У канферэнцыі прынялі ўдзел прадстаўнікі руху са звыш 40 краін свету з 6 кантынентаў, а таксама заснавальніца руху Вероніка Уільямс. Найбольш прадстаўнічымі былі дэлегацыі з Польшчы, Славакіі, Чэхіі, Беларусі, Расіі і Літвы.

Прадстаўнікі нашай парафіі далучыліся да агульнабеларускай пілігрымкі ў складзе 42 маці і 2 святароў. У межах пілігрымкі яны наведалі таксама Чэнстахову, Кракаў, Вадавіцы, Кальварыю Зэбжыдоўскую і Непакалянаў. Да канферэнцыі беларускія пілігрымы далучыліся 20 верасня − у адкрыты дзень для ўсіх членаў руху «Маці ў малітве».

«Удзел у пілігрымцы дадаў мне больш мудрасці: у шляху мы слухалі адно аднаго, дзяліліся вопытам і сведчаннямі, − падзялілася ўражаннямі спадарыня Паліна Парфяновіч. – Гэтыя некалькі дзён былі напоўнены малітвай, праслаўленнем Бога, пазнаннем людзей і святых месцаў. За гэты час у мяне з’явілася яшчэ больш упэўненасці ў заўтрашнім дні: Бог дасць сілы на ўсе выпрабаванні, калі здолеем на 100% даверыцца Яму, слухаць Яго і кіравацца Яго словам у штодзённым жыцці. Для мяне гэтая пілігрымка і ўдел у канферэнцыі як шлях асабістага духоўнага адраджэння».

20 верасня святую Імшу ў межах канферэнцыі ўзначаліў Мітрапаліт Кракаўскі арцыбіскуп Марэк Ендрашэўскі.

«Дарагія маці, якія моляцца за сваіх дзяцей, − звярнуўся да прысутных іерарх. − Ваша пастава як адзін вялікі супраціў таму, што прынята лічыць мудрым у гэтым свеце. Вы, як ніхто іншы, ведаеце, на чым заснавана вымярэнне любові, любові маці да ўласнага дзіцяці. Недастаткова яго толькі зачаць і нарадзіць, недастаткова забяспечыць дзіцяці нармальнае развіццё, асабліва ў першыя гады яго жыцця. Вы ведаеце, што быць маці – гэта перш за ўсё любіць. А любць цалкам і даканца – значыць “упісацца” ў любоў Хрыста да кожнага чалавека. Гэта любоў, у якой перш за ўсё трэба паверыць, якой трэба даверыцца, якой трэба аддаць сябе і іншых, менавіта для таго, каб гэтая любоў магла канчаткова перамагчы вечным шчасцем у доме Міласэрнага Айца». 

Святлана Жылевіч
У падрыхтоўцы матэрыялу
выкарыста інфармацыя з сайтаў:
franciszkanska3.pl, naszdziennik.pl

Фота Ірэны Рубінавай

 

 

 

Адвэнт

У Каталіцкім Касцёле пачынаецца Адвэнт — перыяд падрыхтоўкі да Нараджэння Божага Сына. Адвэнт — гэта таксама пачатак новага літургічнага года.

Пахаванне па Каталіцку

Смерць - гэта канец людскога пілігрымавання, але разам з тым яна - нараджэнне, уваход у новае, вечнае жыццё, у быццё дзяцей Божых, сабраных у доме Айца. Таму мы кіруемся не да смерці, але да жыцця.
Дамовіцца са святаром аб каталіцкім пахаванні можна ў сакрыстыі.

Ліста лектараў (лістапад - люты)

Паважаныя Парафіяне!
 
Для абвяшчэння Слова Божага пакліканы найперш біскупы, святары і дыяканы. У выкананні гэтага абавязку ім дапамагаюць лектары. У супольнасці вернікаў лектары чытаюць Божае слова, тым самым выхоўваючы ў веры дзяцей і дарослых, рыхтуючы іх да годнага прыняцця сакрамэнтаў.

РАСКЛАД НАБАЖЭНСТВАЎ

Кожны католік мае абавязак у нядзелю і абавязковыя святы ўдзельнічаць у святой Імшы – Эўхарыстыя

Расклад святых Імшаў у нашай парафіі ў нядзелю:
8.30 11.00 15:00 19.00

КАРОТКІ КАТЭХІЗІС

ПРА СВЯТЫЯ САКРАМЭНТЫ

78. Што такое святыя сакрамэнты?
- Сакрамэнты - гэта дзейсныя знакі ласкі, устаноўленыя Езусам Хрыстом і даручаныя Касцёлу, праз якія мы атрымліваем Божую ласку.
79. Колькі ёсць святых сакрамэнтаў?
- Ёсць сем сакрамэнтаў:
     І.     Хрост.
     2.    Канфірмацыя.
     3.    Эўхарыстыя.
     4.    Пакаянне.
     5.    Намашчэнне хворых.
     6.    Пасвячэнне.
     7.    Сужэнства.
80. Якія сакрамэнты можна прымаць толькі раз у жыцці?
-  Раз у жыцці можна прымаць хрост, канфірмацыю, пасвячэнне.
Go to top