Св. Імшы у нашай парафіі
ў нядзелю - 8.30, 11.00, 15.00, 19.00
у бальнічнай капліцы ў 16.30

У абавязковыя святы, якія прыпадаюць у будні дзень, а гадзіне 11.00, 19.00
i ў бальнічнай капліцы ў 16.30

 

 

У нядзелю 3 верасня ў нашай парафіі адбылася Імша і малітва на распачацце новага навучальнага і катэхетычнага года. Парафіяльная супольнасць малілася за школьнікаў і студэнтаў, а таксама за настаўнікаў, выхавацеляў і катэхетаў.

На пачатку літургіі пробашч парафіі кс. Станіслаў Мжыглуд заахвоціў прысутных маліцца аб тым, каб час навучання быў для дзяцей і моладзі благаслаўлёным. Каб школьнікі навучыліся выкарыстоўваць набытыя веды і разумелі, што навучанне і тым больш катэхезацыя спрыяюць духоўнаму развіццю асобы.

Сённяшні ўрывак з Евавангелля нагадаў вернікам словы Хрыста пра тое, што, каб следаваць за Ім, неабходна адрачыся сябе і несці свой крыж. Выконваць словы Хрыста варта ў штодзённым жыцці, і кожны сам ведае, які яго крыж, у чым яго адрачэнне. Звяртаючыся да гэтых словах, кс. Станіслаў звярнуў увагу на тое, што навучанне ў школе для дзяцей – гэта і ёсць пэўнае адрачэнне, адмаўленне ад сваіх жаданняў, пэўная ахвяра на карысць свайго развіцця. Праца настаўнікаў – гэта таксама выконванне словаў Хрыста: бо патрабуе вялікіх высілкаў дзеля дабрыні і шчасця маладога пакалення. І, канечне, быць добрымі бацькамі – значыць часта адмаўляцца ад сваіх жаданняў, ад свайго эгаізму, а вучыцца пакоры. Падсумоўваючы сказанае, святар дадаў, што каб наследаваць Хрыста, не трэба чакаць асаблівых сітуацый, жыццё само штодня дае нам магчымасць рабіць добрыя ўчынкі на карысць іншых: сваіх дзяцей, родных, вучняў, калег.

Сімвалічным стала і складанне дароў, у каментарыі да якіх вернікі прасілі Бога аб дары розуму і мудрасці ў спасціганні створанага Богам свету.

Напрыканцы літургіі пробашч нагадаў, што абавязкам бацькоў з’яўляецца катэхезацыя дзяцей. А катэхеза ў нашай парафіі распачнецца з 30 верасня. Заняткі па катэхезе будуць таксама і для бацькоў.

Завяршылася Імша асвячэннем школьных прыналежнасцяў.

 


Тэкст: Святлана Жылевіч
Фота: Ірына Гайдамовіч

САКРАМЭНТ СУЖЭНСТВА (ШЛЮБ)

slub Бог стварыў мужчыну і жанчыну па свайму вобразу і падабенству і паклікаў іх перадаваць наступным пакаленням новае жыццё як плён узаемнай любові сужэнцаў і як праяўленне любові Бога Творцы. Ад пачатку  гісторыі чалавецтва сужэнства было святым саюзам, а Хрыстус  нават  узвысіў яго да годнасці сакрамэнту.
У сакрамэнце сужэнства мужчына і жанчына  заключаюць саюз  для  супольнага жыцця, а  таксама  атрымліваюць Божую ласку для  належнага  выканання сужэнскіх абавязкаў, а асабліва для добрага выхавання  патомства.

Ліста лектараў (лістапад - люты)

Паважаныя Парафіяне!
 
Для абвяшчэння Слова Божага пакліканы найперш біскупы, святары і дыяканы. У выкананні гэтага абавязку ім дапамагаюць лектары. У супольнасці вернікаў лектары чытаюць Божае слова, тым самым выхоўваючы ў веры дзяцей і дарослых, рыхтуючы іх да годнага прыняцця сакрамэнтаў.
Пн Ат Ср Чц Пт Сб Нд
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30

РАСКЛАД НАБАЖЭНСТВАЎ

Кожны католік мае абавязак у нядзелю і абавязковыя святы ўдзельнічаць у святой Імшы – Эўхарыстыя

Расклад святых Імшаў у нашай парафіі ў нядзелю:
8.30 11.00 15:00 19.00

КАРОТКІ КАТЭХІЗІС

ПРА БОЖУЮ ЛАСКУ

70. Што неабходна чалавеку для таго, каб атрымаць збаўленне?
- Для таго, каб атрымаць збаўленне, чалавеку неабходна Божая ласка.
71. Хто выслужыў нам Божую ласку?
- Ласку Божую выслужыў нам Збаўца свету Езус Хрыстус.
72. Якая ёсць Божая ласка?
- Ёсць ласка асвячальная і дзейсная.
73. Што такое асвячальная ласка?
- Асвячальная ласка - гэта Божы дар, дзякуючы якому мы становімся Божымі дзецьмі, яна дае нам звышнатуральнае жыццё і права на вечнае жыццё з Панам Богам у небе.
74. Калі мы ўпершыню атрымліваем асвячальную ласку?
- Першы раз асвячальную ласку мы атрымліваем у сакрамэнце святога хросту.
75. Калі чалавек губляе асвячальную ласку?
- Чалавек губляе асвячальную ласку, калі здзяйсняе цяжкі грэх.
76. Калі мы зноў можам атрымаць асвячальную ласку?
- Асвячальную ласку зноў можам атрымаць дзякуючы сакрамэнту пакаяння.
77.  Што такое дзейсная ласка?
- Дзейсная ласка - гэта Божая дапамога ў выкананні добрых учынкаў, патрэбных для збаўлення.
Go to top