Св. Імшы у нашай парафіі
ў нядзелю - 8.30, 11.00, 15.00, 19.00
у бальнічнай капліцы ў 16.30

У абавязковыя святы, якія прыпадаюць у будні дзень, а гадзіне 11.00, 19.00
i ў бальнічнай капліцы ў 16.30

 
З0 чэрвеня на ўрачыстасць у Будслаў прыбылі каля 2300 пешых пілігрымаў, сярод іх была і группа “Salvator” з Браслава ў колькасці 90 чалавек. Навошта ісці пешшу, калі можна даехаць на машыне ці аўтобусе, чаму людзі абіраюць больш складаны шлях?
 
Маці ў Будславе
 
Ужо 27 гадоў з Браслава выходзяць пілігрымы і крочуць менавіта ў Будслаў. Цяпер там Нацыянальны санктуарый. Хоць і ў сваёй парафіі мы маем цудадзейны абраз, аднак Будслаўская Марыя, як прынята лічыць, надзелена асаблівай Божай ласкай. І да яе з уласнымі інтэнцыямі прыбываюць вернікі з усёй Беларусі.
 
Чаму пешшу?
 
Пешая пілігрымка – гэта асаблівае жыццё, гэта час духоўных разважанняў, пазбаўлены штодзённых традыцыйных бытавых клопатаў. У гэтыя дні пілігрым адракаецца ад некаторых выгодаў (спіць у палатцы, крочыць пад дажджом ці ў спякоту, церпіць боль, пакутуе ад мазалёў) і разам тым не засяроджваецца на фізічным, а мае магчымасць прысвяціць увесь свой дзень Богу, разважанню над яго словам, малітве, спевам. 
 
Напрыканцы кожнага дня сёлетняй пілігрымкі была арганізавана адарацыя Найсвяцейшага Сакрамэнту ці малітоўная сустрэча, каб цалкам даручыць свой час Богу, каб паразважаць над перажытым днём, стаць бліжэй адзін да аднаго і да Бога. 
 
Пешыя пілігрымы – гэта яшчэ і асаблівы знак для іншых. Напэўна, кожны, хто бачыць пілігрымку, хоць на хвілінку задумваецца аб нечым духоўным. Асабліва ўзрушвае, калі заўважаеш, як людзі становяцца на калены, калі бачаць крыж, за якім крочаць пілігрымы. Усяго пару хвілін, а іх жыхары маленькіх глухіх вёсачак чакаюць, можа, увесь год. Вочыгэтых людзей поўныя слёз радасці ад таго, што з імі проста прывіталіся, памахалі рукой, падарылі абразік на ўспамін і што яны могуць папрасіць святароў занесці іх ахвяры і малітвы да Маці Божай. Значыць, пілігрымка, яшчэ і для іншых: гэта нашае сведчанне веры
 
А яшчэ пілігрымка - гэта адчуванне вялікай хрысціянскай сям’і: калі зусім табе незнаёмыя людзі частуюць абедам, прымаюць на начлег, часам не толькі католікі, але і праваслаўныя. І ўсё гэта за бясплатна, за простае “Божа аддудзяч”. 
Чаму варта ісці пешшу? Думаем, што гэты адказ ёсць глыбока ў сэрцы кожнага пілігрымы. Ён вельмі асабісты. Таму каб знайсці ўласны адказ на гэтае пытанне, варта асмеліцца і вырушыць у пілімгрымаванне.
 
P. S. Вялікі дзякуй выказваем арганізатарам пілігрымкі, кс. Уладзіміру Шыдлоўскаму SDS і дыякану Яўгену Жукоўскаму SDS, а таксама кожнаму, хто рушыў разам з групай “Salvator”. 
 
Святлана і Аляксей Жылевіч
фота: Юрась Сапель
 
Па слядах пілігрымкі Браслаў-Будслаў 2017 (ч. 1)
 
 
Па слядах пілігрымкі Браслаў-Будслаў 2017 (ч. 2)
 
Па слядах пілігрымкі Браслаў-Будслаў 2017 (ч. 3)
Сакрамэнт Эўхарыстыі
У часе Апошняй Вячэры Езус сеў за стол разам са сваімі вучнямі, каб спажыць з імі Пасху, але не толькі на знак успаміну выхаду Ізраэля з егіпецкай няволі, але ўжо на знак успаміну таго, што павінна было хутка стацца: на памяць аб сваёй смерці і змёртвыхпаўстанні як вызваленні ўсяго чалавецтва з няволі граху і смерці. «Вельмі захацелася Мне, – кажа Езус да сваіх вучняў, – есці з вамі гэтую Пасху перад тым, як буду цярпець» (пар. Лк 22, 15).

Ліста лектараў (жнівень - лістапад)

Паважаныя Парафіяне!
 
Для абвяшчэння Слова Божага пакліканы найперш біскупы, святары і дыяканы. У выкананні гэтага абавязку ім дапамагаюць лектары. У супольнасці вернікаў лектары чытаюць Божае слова, тым самым выхоўваючы ў веры дзяцей і дарослых, рыхтуючы іх да годнага прыняцця сакрамэнтаў.

РАСКЛАД НАБАЖЭНСТВАЎ

Кожны католік мае абавязак у нядзелю і абавязковыя святы ўдзельнічаць у святой Імшы – Эўхарыстыя

Расклад святых Імшаў у нашай парафіі ў нядзелю:
8.30 11.00 15:00 19.00

КАРОТКІ КАТЭХІЗІС

ПРА ІНШЫЯ САКРАМЭНТЫ

100. Што такое канфірмацыя?
- Канфірмацыя - гэта сакрамэнт, праз які Дух Святы распальвае ў душы любоў і дае свае дары, умацоўвае хрысціяніна, каб ён вызнаваў сваю веру, абараняў яе і жыў паводле гэтай веры.
101. Што такое сакрамэнт намашчэння хворых?
- Намашчэнне хворых - гэта сакрамэнт, праз які Хрыстус злучае цярпенне хворага са сваім цярпеннем, адпускае грахі, дае асаблівыя ласкі. Сакрамэнт намашчэння хворых часам прыносіць палёгку і аздараўленне.
102. Што такое сакрамэнт пасвячэння?
- Пасвячэнне - гэта сакрамэнт, праз які Хрыстус дае выбраным і адпаведна падрыхтаваным мужчынам уладу складаць Ахвяру святой Імшы, удзяляць святыя сакрамэнты і дае ласку для годнага служэння.
103. Што такое сакрамэнт сужэнства?
- Сужэнства - гэта сакрамэнт, у якім хрысціяне - мужчына і жанчына вольнага стану - заключаюць паміж сабою непарыўны саюз і атрымліваюць ласку для вернага выканання ўзятых абавязкаў.
104. Якія галоўныя абавязкі сужэнцаў?
- Жыць у згодзе, любові і вернасці да смерці.
- Разам выхоўваць дзяцей і клапаціцца пра іх зямное жыццё і рэлігійнае выхаванне.
- Дапамагаць адно аднаму ў імкненні да зямнога і вечнага шчасця.
Go to top