У нядзелю 25 чэрвеня з нашай парафіі вырушыла пілігрымка ў Нацыянальны Марыйны санктуарый у Будславе, якую ўзначаліў кс. Уладзімір Шыдлоўскі. Сёлета Будслаўскія ўрачыстасці пройдуць 30 чэрвеня-1 ліпеня.

Пілігрымка - гэта шлях да асабістай сустрэчы з Богам. Гэта час навяртання і засяроджання над сабой і адносінамі з Богам”, - адзначыў ксендз пробашч Станіслаў падчас святой Імшы на распачацце пілігрымкі. Святар заахвоціў, каб у штодзённых клопатах браць прыклад з Марыі, якая пакорна выконвала волю Бога.

Няхай шлях вандравання спатоліць прагу пілігрымаў да пазнання Бога, напоўніць іх духоўна, прынясе каштоўныя плёны.

тэкст: Святлана Жылевіч

фота: Юрась Сапель