25 лютага ў Браславе адбыліся запусты на брытанскую тэматыку. Кожны добра ведае, што ў Англіі ёсць традыцыя а пэўнай гадзіне піць гарбату. 
З гэтымі традыцыямі пазнаёміліся ўдзельнікі вечарыны. Разам з браслаўскай моладдзю удзельнічалі таксама маладыя людзі з Полацка, Росіцы, Слабодкі. Распачалі вечар малітвай праслаўлення, якую праводзіў айцец Андрэй Сідаровіч з Росіцы. Далей распачалі забаўляльную праграму, дзе былі спевы і танцы, падрыхтаваныя загаддзя ўдзельнікамі. За кубкам гарбаты можна было пазнаёміцца адзін з адным, а таксама паслухаць цікавыя звесткі пра традыцыі піцця гарбаты, а таксама зрабіць тэматычны фотаздымак.
 
с.Таццяна Гмыза
Фота: Вольга Савiцкая