ЗАПРАШАЕМ НА РАРАТЫ 
панядзелак, сераду і пятніцу
а 6.45 раніцай
Заахвочваем усіх, каб праз малітву, шчырую споведзь, а таксама праз удзел у Раратах, добра прыгатавацца да святаў
 
 
 
У суботу 25 лютага у дэяцэзіяльным санктуарыі біскуп Алег Буткевіч удзяліў дыяканскае пасвячэнне клерыку Алегу Хмылко, які паходзіць з парафіі св. Апостала Андрэя ў Лынтупах. У гаміліі ксёдз біскуп зазначыў, што дыяканат - гэта толькі этап на дарозе для тых, хто ідзе да святарства. Мэтай з’яўляецца сакрамэнт святарства.
Цырымонія  пасвячэння пачалася ў 11 гадзін урачыстай працэсіяй. На літургіі прысутнічалі шматлікія святары як з нашай дыяцэзіі, так і з Польшчы, семінарысты, парафіяне з Лынтуп і Браслава. Падчас гаміліі ксёдз біскуп нагадаў аб асаблівай ролі дыяканскай паслугі ў жыцці Касцёла. Пажадаў прымаючаму пасвячэнне, жыць міласэрнасцю. Потым распачаўся абрад пасвячэння, падчас якога ўсе прысутныя ахвотна маліліся ў інтэнцыі  дыякана падчас Літаніі да ўсіх Святых, выпрашаючы для яго ласкі праз іх заступніцтва. Пасля заканчэння абраду рукапаложанны дыякан быў запрошаны да алтара і ўпершыню прыслугоўваў падчас  Эўхарыстычнай Ахвяры ў новай функцыі. 
Спадзяёмся, што гэтая падзея напоўніць радасцю не толькі сэрца дыякана Алега, але і вернікаў нашай парафіі.
 
кс. Уладзімір Шыдлоўскі SDS
Фота Ірына Гайдамовіч
 

Адвэнт

У Каталіцкім Касцёле пачынаецца Адвэнт — перыяд падрыхтоўкі да Нараджэння Божага Сына. Адвэнт — гэта таксама пачатак новага літургічнага года.

Пахаванне па Каталіцку

Смерць - гэта канец людскога пілігрымавання, але разам з тым яна - нараджэнне, уваход у новае, вечнае жыццё, у быццё дзяцей Божых, сабраных у доме Айца. Таму мы кіруемся не да смерці, але да жыцця.
Дамовіцца са святаром аб каталіцкім пахаванні можна ў сакрыстыі.

Ліста лектараў (лістапад - люты)

Паважаныя Парафіяне!
 
Для абвяшчэння Слова Божага пакліканы найперш біскупы, святары і дыяканы. У выкананні гэтага абавязку ім дапамагаюць лектары. У супольнасці вернікаў лектары чытаюць Божае слова, тым самым выхоўваючы ў веры дзяцей і дарослых, рыхтуючы іх да годнага прыняцця сакрамэнтаў.

РАСКЛАД НАБАЖЭНСТВАЎ

Кожны католік мае абавязак у нядзелю і абавязковыя святы ўдзельнічаць у святой Імшы – Эўхарыстыя

Расклад святых Імшаў у нашай парафіі ў нядзелю:
8.30 11.00 15:00 19.00

КАРОТКІ КАТЭХІЗІС

ПРА СВЯТЫЯ САКРАМЭНТЫ

78. Што такое святыя сакрамэнты?
- Сакрамэнты - гэта дзейсныя знакі ласкі, устаноўленыя Езусам Хрыстом і даручаныя Касцёлу, праз якія мы атрымліваем Божую ласку.
79. Колькі ёсць святых сакрамэнтаў?
- Ёсць сем сакрамэнтаў:
     І.     Хрост.
     2.    Канфірмацыя.
     3.    Эўхарыстыя.
     4.    Пакаянне.
     5.    Намашчэнне хворых.
     6.    Пасвячэнне.
     7.    Сужэнства.
80. Якія сакрамэнты можна прымаць толькі раз у жыцці?
-  Раз у жыцці можна прымаць хрост, канфірмацыю, пасвячэнне.
Go to top