27 студзеня ва Успамін благаслаўлёнага Юрыя Матулевіча ў кляштары сясцёр Эўхарыстак адбылася Адарацыя Найсвяцейшага Сакрамэнту. На малітву прыйшлі як дарослыя, так і моладзь. Упрыгожылі Адарацыю хлопцы сваім спевам. Падчас малітвы слухалі разважанні з Духоўнага Дзённіка благаслаўлёнага біскупа.
“Давайце вучыцца жыць у Божай прысутнасці, давайце быць напагатове да выканання Божых планаў, і малітва затопіць нашыя душы. Найвышэйшай прыступкай святасці – умець заўсёды і ўсюды, у любых абставінах, падчас кожнай працы, сярод розных людзей жыць з Панам Богам, яднацца з Ім, мець яго ў сваім сэрцы, знікаць у Ім, радавацца і цешыцца Ім, шукаць Яго, да Яго ўзнімацца, любіць – а не толькі ў капліцы, калі мы кленчым і адгаворваем малітвы.” (бл. Юрый) 
Моманты малітвы дапамагаюць нам пакінуць штодзённую працу і клопаты, і паразмаўляць з Богам, падумаць над жыццём і вечнасцю. 
 
Пасля Адарацыі ўсе былі запрошаны на пачастунак, пасля чаго моладзь весела адпачывала.
 
матэрыял падрыхтавала с. Таццяна Гмыза
фота: Вольга Савiцкая