У парафіі адзначылі свята Святой Сям’і

2

Маці Божая Будслаўская — Апякунка Беларусі

Будслаў, Будслаў , Беларусь

Урачыстасць Найсвяцейшай Панны Марыі Будслаўскай

Дата : Чц, 02 Ліп 2020

16

Гадавіна заснавання групы жывога ружанца

Жывы Ружанец

Дата : Чц, 16 Ліп 2020

25

Асвячэнне транспартых сродкаў

Успамін св. Крыштафа, апекун вадзіцеляў і падарожнікаў

Дата : Сб, 25 Ліп 2020

27 снежня Каталіцкі Касцёл адзначае свята Святой Сям’і. З гэтай нагоды ў нашай парафіі адбылася Імша ў інтэнцыі сем’яў, а таксама аплатковая сустрэча ў радасці.

На святой Імшы а 11-й гадзіне вернікі маліліся за ўсе беларускія сем’і і кожную сям’ю паасобку. Як падзяку за жыццё кожнага чалавека, за ўсе радасці і праблемы сем’і парафіі прынеслі да алтара дары.

У гамілііі пробашч парафіі кс. Станіслаў Мжыглуд падкрэсліў, што сучасным сем’ям трэба не пераставаць браць прыклад са Святой Сям’і. А гэта значыць ва ўсім неабходна давярацца Богу і ставіць на першае месца толькі духоўнае жыццё. Важна таксама памятаць пра абяцанні, якія сужонкі даюць адно аднаму ў шлюбе, а таксама Богу падчас сакрамэнту хросту сваіх дзяцей.

Імша завяршылася малітвай св. Яна Паўла ІІ за сем’і, а таксама благаслаўленнем рэліквіямі святога, якія з гэтага дня будуць захоўвацца ў нашым касцёле. Святочны настрой падтрымаў калядны канцэрт, у якім пасля Імшы выступілі дзеці і моладзь парафіі.

А ўвечары сем’ям прапанавалі сустрэцца ў больш нефармальнай абстаноўцы, каб бліжэй пазнаёміцца адно адным, прысвяціць нядзельны вечар сваім дзецям. Сем’і падзяліліся аплаткамі і пажаданнямі, а пасля ўжо бавілі час ў гутарцы і вясёлых танцах, якія правялі кл. Яўген і с. Таццяна (за што ім вялікі дзякуй). Пробашч парафіі прапанаваў таксама праводзіць рэгулярныя (раз на два месяцы) сустрэчы для сужонкаў, на якіх бы абмяркоўваліся надзённыя праблемы. Магчыма, першая такая сустрэча пройдзе ў перыяд Вялікага посту.

тэкст: Святлана Жылевіч

фота: Ірына Гайдамовіч і с.Таццяна Гмыза

СЛУГА БОЖЫ ФРАНЦІШАК МАРЫЯ
АД КРЫЖА ЯРДАН

Нарадзіўся 16 чэрвеня 1848 г. у беднай сялянскай сям’і ў Гуртвелі каля Валдшунт. Памёр у Тафэрсе каля Фрыбурга 8 верасня 1918 года. З дзяцінства жадаў стаць святаром. Доўга чакаў пакуль рэалізуюцца планы з-за цяжкой сітуацыі ў сям’і. Працаваў фізічна, быў здольным і вядомым рамеснікам. Вылучала яго вытрываласць у дасягненні мэты. У 26 гадовым узросце (1874 год) стаў студэнтам і вывучаў тэалогію, а маючы 30 год (1878 год) стаў святаром акурат у той час, калі Касцёл у Германіі перажываў цяжкі Культуркампф.

Пн

Ат

Ср

Чц

Пт

Сб

Нд