ДУШПАСТЫРСКІЯ АБ’ЯВЫ
на XIX Звычайную Нядзелю
 
1. На гэтым тыдні ў літургічным календары ўспамінаем:
  • у сераду успамін св. Максімільяна Марыі Кольбэ, святара і мучаніка;
  • у чацвер урачыстасць Унебаўзяцця НПМ. Асвячэнне кветак, зёлак, збожжа і гародніны адбудзецца падчас кожнай св. Імшы. Св. Імшы ў гэты дзень будуць: у 11.00, 19.00 і ў 16.30 (у капліцы). У гэты дзень кожны каталік абавязаны прымаць удзел у св. Імшы. 
2. Магчымасць споведзі для кандыдатаў бежмавання, а таксама для сведкаў бежмавання будзе штодзённа ад панядзелку да чацверга ад 18.30 да 19.00.
 
4. Адпустовыя ўрачастысці, звязаныя з культам Маці Божай Валадаркі азёраў, распачнуцца ў пятніцу ў 18.00 св. Імшой падчас якой будзе ўдзелены сакрамант бежмавання.
Дакладны план урачыстасцяў можна  прачытаць на дошцы аб’яў перад касцёлам і на нашай парафіяльнай інтэрнэт старонцы waladarka.by.
Падчас урачыстасцяў, у ночы, адбудзецца працэсія са свечкамі па вуліцах нашага горада. Пойдзем вакол Замкавай гары па вуліцах Ленінскай, Кірава і Савецкай.
Галоўным цэлебрантам св. Імшы на палявым алтары ў суботу ў 11.00 будзе арцыбіскуп Тадэвуш Кандрусевіч, Мітрапаліт Мінска-Магілёўскі.
Заахвочваем прыняць удзел ва ўрачыстасцях усіх жыхароў і гасцей нашага горада.
 
Напярэдадні ўрачыстасцяў з 12 жніўня пачнецца Летняя школа касцельнага спеву. Асабліва запрашаем дзяцей рознага ўзросту з нашай парафіі наведаць заняткі ў школе касцёльнага спеву, першая сустрэча адбудзецца ў панядзелак у 15.00.
 
Просім, каб малітоўныя групы нашай парафіі прынялі актыўны ўдзел у набажэнствах падчас начнога чування.
  • У 03.00 распачнецца Набажэнства да Божай Міласэрнасці, запрашаю групу Вешчуноў Божай Міласэрнасці правесці гэтую малітву;
  • раніцай у 9.00 у суботу адбудзецца  ружанцовая малітва, прашу групу Жывога Ружанца правесці набажэнства. 
5. У суботу 17 жніўня св. Імшы ў 19.00 не будзе.
 
6. Звяртаемся з просьбай да тых, хто мае магчымасць ахвяраваць плады зямлі (бульбу, моркву, капусту і іншае), якія будуць прызначаны для прыгатавання пасілкаў для гасцей падчас урачыстасцяў у нашым санктуарыі. Хто мае такую магчымасць, просім прыносіць гародніну у панядзелак з 9.00 да будынку Айца Ярдана.
 
7. Ў суботу 24 жніўня ў 12.00. адбудзецца св. Імша на могілках у вёсцы Струста а у вёсцы Краснасельцы ў 13.30. Ў  нядзлю 25 жніўня ў 13.00 адбудзецца св. Імша на новых браслаўскіх могілках.
 
8. З’явіліся календары на 2019 год, іх можна набыць у будынку насупраць касцёла.
 
9. Звяртаемся з просьбай да тых, хто мае магчымасць ахвяраваць кветкі, каб упрыгожыць палявы алтар падчас урачыстасцяў у нашым Санктуарыі. Кветкі можна прыносіць у пятніцу да сакрыстыі.
 
10. Шчыра просім аб дапамозе ва ўпарадкаванні тэрыторыі вакол касцёла і будынкі (мётлы, вёдры) ў панядзелак і аўторак , ад гадзіны 9.00 раніцы.
 
11. На ўвесь тыдзень працы і абавязкаў, і тых, хто адпачывае, няхай Бог благаславіць.