ЗАПРАШАЕМ НА РАРАТЫ 
панядзелак, сераду і пятніцу
а 6.45 раніцай
Заахвочваем усіх, каб праз малітву, шчырую споведзь, а таксама праз удзел у Раратах, добра прыгатавацца да святаў
 
 
 
Душпастырскія аб’явы на XХV Звычайную Нядзелю
 
1. Прыпамінаю, што 30 верасня распачынаюцца катэхэзы для дзяцей і моладзі. Прашу, каб бацькі трошчыліся аб рэлігійным выхаванні сваіх дзяцей. Праграма катэхэзы на дошцы аб’яў перад касцёлам і на інтэрнэт старонцы нашага Санктуарыя.
 
2. У літургічным календары ўспамінаем:
  • Св. Вінцэнта дэ Поля святара, у сераду;
  • Свв. Арханёлаў Міхала, Габрыэля і Рафала свята, у пятнмцу;
  • Св. Гераніма, Святара і ДК, у суботу;
У нядзелу распачынаецца месяц кастрычнік, які асаблівым чынам праз ружанцовую малітву прысвячаем Маці Божай. У нашай парафіі набажэнства, прысвечанае малітве на ружанцы, будзе адбывацца ад панядзелка да субуты ў 18.30. Запрашаем да асабістага ўдзелу ў набажэнстве, якое з’яўляецца абаронай перад злом і адыходам ад веры.
 
3. У наступную нядзелю а 8.30 Святая Імша у інтенцый Групы святога Ружанца Яднання з Церпячым Хрыстом. Змена таямніц Групы Жывога Ружанца ў наступную нядзелю пасля св. Імшы ў 8.30.
 
4. У панядзелак распачынаюцца ў нашым санктуарыі  трохдзённыя рэкалекцыі для святароў. Рэкалекцыіі правядзе Яго Эмінэнцыя кс. Кардынал-дыякан Райманд Лео Бёрк.
 
5. Як добра ведаем у Каталіцкім Касцеле адзначаем 100-годдзе аб’яўленняў Маці Божай у Фаціме. З гэтай нагоды ў нашай дыяцэзіі трывае перэгрынацыя фігуры Маці Божай Фацімскай. У нашай парафіі перэгрынацыя адбудзецца 10.10-12.10.2017. Праграма перэгрынацыі будзе пададзена ў наступную нядзелю.
 
6. У нядзелю 15 кастрычніка падчас св. Імшы а 11.00 будзе асвячэнне арганаў у нашым касцеле і канцэрт арганнай музыкі. Усіх сардэчна запрашаем.
 
7. Запрашаем  1 кастрычніка (нядзеля) на Адпуст у Урбаны ва успамін Святой Тэрэзы ад Дзіцятка Езус, заступніцы каталіцкіх місій. 
12:30 Выстаўленне Найсвяцейшага Сакраменту і набажэнства праз заступніцтва Св. Тэрэзы.
13:00 – Святая Імша 
Пасля імшы для усіх пачастунак. Сардэчна запрашаем! Ёсць магчымасць запісацца ў закрыстыі на аутобус да Урбанаў на урачыстасць кошт 2 руб. Выезд а 12 гадзіне каля касцела. 
 
8. Няхай добры Бог благаславіць кожнага з вас у працы і ў штодзённым жыці.
 

Сямейны Адвэнт: традыцыі ў сучаснасць

Адвэнт – гэта вельмі прыгожы перыяд літургічнага года. Ён багаты традыцыямі, якія можна выкарыстаць не толькі для ўласнага духоўнага развіцця, але і для з’яднання ўсіх членаў сям’і і духоўнага абагачэння кожнага, незалежна ад узросту. На гэты раз хачу падзяліцца вопытам складання Адвэнт-календара.

Сакрамэнт Намашчэння Хворых

Сакрамэнт намашчэння хворых з’яўляецца адным з сямі сакрамэнтаў Новага Запавету, які таксама ўстанавіў Езус Хрыстус. У Святым Пісанні чытаем: «Цяжка нехта з вас мучыцца? Няхай моліцца. Весела каму? Няхай псальмы спявае. Занядужаў хто з вас? Пакліч прэзбітараў Касцёла, і няхай памоляцца над ім, памазаўшы яго алеем у імя Пана, – і малітва веры вылечыць хворага, і Пан падыме яго; і калі ён грахі ўчыніў, будуць знятыя з яго. Прызнайцеся адзін перад адным у правінах і маліцеся  адзін за аднаго, каб паздаравець; шмат можа шчырая малітва справядлівага» (пар. Як 5, 13-16).

Ліста лектараў (лістапад - люты)

Паважаныя Парафіяне!
 
Для абвяшчэння Слова Божага пакліканы найперш біскупы, святары і дыяканы. У выкананні гэтага абавязку ім дапамагаюць лектары. У супольнасці вернікаў лектары чытаюць Божае слова, тым самым выхоўваючы ў веры дзяцей і дарослых, рыхтуючы іх да годнага прыняцця сакрамэнтаў.

РАСКЛАД НАБАЖЭНСТВАЎ

Кожны католік мае абавязак у нядзелю і абавязковыя святы ўдзельнічаць у святой Імшы – Эўхарыстыя

Расклад святых Імшаў у нашай парафіі ў нядзелю:
8.30 11.00 15:00 19.00

КАРОТКІ КАТЭХІЗІС

ПРА ЧАЛАВЕКА

18. Хто стварыў чалавека?
- Чалавека стварыў Пан Бог.
19. Хто такі чалавек?
- Чалавек - гэта Божае стварэнне, якое мае цела і несмяротную душу.
20. Да каго падобна душа чалавека?
- Душа чалавека падобна да Пана Бога, бо яна - дух, яна мае розум, вольную волю і ніколі не памірае.
21. Навошта Пан Бог стварыў чалавека?
- Пан Бог стварыў чалавека, каб чалавек любіў Пана Бога, выконваў Яго волю, а пасля смерці быў з Ім у небе.
22. Чаму першыя людзі былі шчаслівымі?
- Першыя людзі былі вельмі шчаслівымі, бо былі любімымі Божымі дзецьмі. Яны сябравалі з Богам, не хварэлі і не павінны былі памерці.
23. Чаму болыш за ўсё радаваліся першыя людзі?
- Першыя людзі больш за ўсё радаваліся таму, што мелі асвячальнуюласку
24. Што дае асвячальная ласка?
- Асвячальная ласка чыніць душу прыгожай і прыемнай Богу, яднае нас з Езусам Хрыстом і дае права на вечнае жыццё ў небе.
Go to top