ДУШПАСТЫРСКІЯ АБ’ЯВЫ
на Нядзелю Найсвяцейшай Тройцы
 
1. На гэтым тыдні ўспамінаем:
- у аўторак, успамін св. Антонія Падуанскага, святара і Доктара Касцёла. Св. Імшы ў гэты дзень –  а 11.00 i 19.00.
- у чацвер будзем перажываць урачыстасць Найсвяцейшага Цела і Крыві Хрыста, якая традыцыйна называецца Божае Цела. Св. Імшы ў гэты дзень а 11.00, 19.00 і ў 16.30 (у капліцы). У гэты дзень кожны католік абавязаны прысутнічаць на Св. Імшы. Эўхарыстычная працэсія да 4 алтароў вакол касцёла адбудзецца  ўвечары а 19-й гадзіне.
 
Просім аб прыгатаванні алтароў:
  1. алтар –  група бацькоў,
  2. алтар – дзеці і моладзь,
  3. алтар – малітоўная група “Жывы Ружанец”,
  4. алтар – малітоўные групы „Вешчуны Божай Міласэрнасці” і “Маці ў малітве”
Просім, каб малодшыя дзеці сыпалі кветкі перад Найсвяцейшым Сакрамэнтам.
 
2. Пешая пілігрымка ў Будслаў у гэтым годзе распачнецца 25 чэрвеня. Звяратаемся з просьбай, каб жадаючыя ўдзельнічаць, запісаліся ў сакрыстыі да нядзелі – 18 чэрвеня, гэтым вы дапаможаце нам у арганізацыі.
 
3. Mесяц чэрвень, асаблівым чынам прысвечаны малітве да Найсвяцейшага Сэрца Езуса. Заахвочваем да ўдзелу ў набажэнствах, якія адбываюцца ад панядзелку да суботы ў 18.30.
 
4. Як бачыце ў нашым касцёле і каля касцёла адбываюцца розныя работы. Перабудоўваецца хор і ўстанаўліваецца арган, якія мы атрымалі з Германіі, рамантуюцца галоўныя прыступкі да касцёла, па-ранейшаму неабходна выканаць мноства іншых работ унутры касцёла. Выкананне гэтых пачатых спраў немагчыма без вашай, дарагія парафіяне, фінансавай падтрымкі. Просім скласці ахвяру на ўсе гэтыя работы, колькі хто зможа. Ахвяры просім прыносіць у сакрыстыю.
 
5. Няхай Усемагутны Бог у Найсвяцейшай Троіцы Адзіны вас паблагаславіць.