Св. Імшы у нашай парафіі
ў нядзелю - 8.30, 11.00, 15.00, 19.00
у бальнічнай капліцы ў 16.30

У абавязковыя святы, якія прыпадаюць у будні дзень, а гадзіне 11.00, 19.00
i ў бальнічнай капліцы ў 16.30

 
У мінулыя выходныя ў нашу парафію завітала псіхааналітык з Мінска Наталля Пан, вядомая таксама многім вернікам па публікацыях у каталіцкай прэсе. Па просьбе сястры Таццяны Гмыза семінар быў прысвечаны такім пытанням як стаўленне да сябе, адносіны з іншымі і праблема залежнасцяў.
Па словах удзельнікаў, на семінары яны атрымалі дастаткова інфармацыі і практычных парад, каб нанова паглядзець на свае праблемы і ведаць, у якім накірунку рухацца для іх вырашэння. Бо важна не толькі зразумець, што многія людскія праблемы прыйшлі з дзяцінства, а таму, думаць, што нельга ўжо нічога направіць. Наадварот: толькі ведаючы канкрэтна прычыну праблемы, можна пачаць працаваць над яе вырашэннем. Усё пачынаецца з любові да сябе, а вера ва ўсемагутнасць Бога дае хрысціянам больш магчымасцяў у самадасканальванні і аздараўленні душэўных ранаў. Лекцыі спалучаліся з адарацыяй, удзелам у святой Імшы, таму былі па-сутнасці часам рэкалецый, дыхоўных разважанняў.
Ініцыятарам і арганізатарам семінара з'яўляецца с. Таццяна Гмыза. У размовах з вернікамі, падчас правядзення катэхезы для дарослых сястра заўважыла, што існуе пэўнае кола пытанняў, на якія варта было б даць адказы прафесіяналу. 
 
Ад імя ўдзельнікаў выказваю шчырыя словы падзякі Наталлі Пан за яе працу і с. Таццяне за неабыякавасць да праблемаў парафіянаў, адкрытае сэрца і актыўнае служэнне ў нашай парафіі. Няхай Бог благаславіць кожны наш крок на шляху да пазнання сябе і прыняцця бліжніх. 
 
Тэкст: Святлана Жылевіч
фота: с. Таццяна Гмыза
 
 
P.S. Азнаёміцца з матэрыяламі Наталлі Пан па пытаннях псіхалогіі можна на сайце часопіса “Ave Maria”.
Сакрамэнт Намашчэння Хворых

Сакрамэнт намашчэння хворых з’яўляецца адным з сямі сакрамэнтаў Новага Запавету, які таксама ўстанавіў Езус Хрыстус. У Святым Пісанні чытаем: «Цяжка нехта з вас мучыцца? Няхай моліцца. Весела каму? Няхай псальмы спявае. Занядужаў хто з вас? Пакліч прэзбітараў Касцёла, і няхай памоляцца над ім, памазаўшы яго алеем у імя Пана, – і малітва веры вылечыць хворага, і Пан падыме яго; і калі ён грахі ўчыніў, будуць знятыя з яго. Прызнайцеся адзін перад адным у правінах і маліцеся  адзін за аднаго, каб паздаравець; шмат можа шчырая малітва справядлівага» (пар. Як 5, 13-16).

Ліста лектараў (жнівень - лістапад)

Паважаныя Парафіяне!
 
Для абвяшчэння Слова Божага пакліканы найперш біскупы, святары і дыяканы. У выкананні гэтага абавязку ім дапамагаюць лектары. У супольнасці вернікаў лектары чытаюць Божае слова, тым самым выхоўваючы ў веры дзяцей і дарослых, рыхтуючы іх да годнага прыняцця сакрамэнтаў.

РАСКЛАД НАБАЖЭНСТВАЎ

Кожны католік мае абавязак у нядзелю і абавязковыя святы ўдзельнічаць у святой Імшы – Эўхарыстыя

Расклад святых Імшаў у нашай парафіі ў нядзелю:
8.30 11.00 15:00 19.00

КАРОТКІ КАТЭХІЗІС

ПРА ЕЗУСА ХРЫСТА

63. Хто такі Езус Хрыстус?
- Езус Хрыстус - Сын Божы, які стаў чалавекам дзеля нашага збаўлення.
64. Якім чынам Езус Хрыстус нас збавіў?
- Езус Хрыстус збавіў нас праз свае пакуты і смерць на крыжы.
65. Хто з'яўляецца Айцом Езуса Хрыста?
- Айцом Езуса Хрыста ёсць Бог Айцец.
66. Хто з'яўляецца Маці Езуса?
- Маці Езуса - Найсвяцейшая Панна Марыя.
67. Кім быў святы Юзаф?
- Святы Юзаф быў апекуном Езуса.
68. Чаму Маці Божую называем Найсвяцейшай?
- Маці Божую мы называем Найсвяцейшай, бо Яна не мела ніводнага граху і была поўная Божай ласкі.
69. Чаму мы называем Яе Беззаганнай?
- Мы называем Яе Беззаганнай, бо з першых хвілінаў свайго жыцця Яна была вольная ад першароднага граху.
Go to top