Св. Імшы у нашай парафіі
ў нядзелю - 8.30, 11.00, 15.00, 19.00
у бальнічнай капліцы ў 16.30

У абавязковыя святы, якія прыпадаюць у будні дзень, а гадзіне 11.00, 19.00
i ў бальнічнай капліцы ў 16.30

 

 

Сустрэча культур ля падножжа Маці Божай Браслаўскай Валадаркі Азёраў

Напэўна, кожны дарослы чалавек, які жыве далёка ад бацькоў і не бачыцца з імі так часта як хацелася б, можа ўявіць тую асаблівую радасць ад доўгачаканай сустрэчы з маці і бацькам. Простую, але сапраўдную, якую адчуваеш, калі абдымаеш і прытуляешся да бацькоў, бесклапотна і з даверам, як у дзяцінстве.

Таму лёгка зразумець, чаму начное чуванне ў Браславе напярэдадні каранацыі цудоўнага абраза мела назву “Сустрэча культур у Маці Божай Валадаркі Азёраў”. Яе дзеці жывуць ва ўсім свеце, у розных яго куточках і ў гэтыя дні многія сыны і дочкі прыехалі ў Браслаў да сваёй Маці, каб раздзяліць радасць такой значнай падзеі, каб падзякаваць любай Матулі за падтрымку і любоў, дапамогу і пяшчоту, якой яна няспынна атуляе. Слёзы радасці можна было ўбачыць на тварах шматлікіх людзей рознага ўзросту, бо іх перапаўняў Дух Божай любові і адзінства, адчуванне сябе прыналежным да вялікай шчаслівай сям’і Божых дзяцей.

Усе мы розныя, але нас аб’ядноўвае мэта. І тое, што ў Браславе сабраліся беларусы, палякі, украінцы, літоўцы, латышы, а таксама іерархі з Расіі, Германіі, ЗША, Індыі і іншых краінаў свету з’яўляецца таму яскравым пацверджаннем.

Падчас начнога чування прадстаўнікі суседніх краінаў мелі адзведзены час на прадстаўленне сябе і сваёй культуры, на праслаўленне Усявышняга спевам, танцамі, малітвай, усмешкай, бо Бог і Яго Маці разумеюць усе мовы і выслухоўваюць усе просьбы. Начное чуванне распачалося часам латышскай культуры, працягнулася украінскай, польскай, а ў астатні час начную адарацыю праводзілі беларусы. 

У гэтую значную ўрачыстасць Маці Божая Браслаўская сабрала ля свайго падножжа прадстаўнікоў розных народаў і веравызнанняў. Бо Яна тая, якая дапамагае кожнаму блукаючаму вярнуцца на правільны шлях і ісці па ім да Хрыста. Наша Маці чакае нас заўсёды і, як трымае на сваіх руках Хрыста, так і кожнага ахінае сваім матчыным цяплом і апекай.

 

Святлана Бурлевіч

 

Абавязковыя святы
Кожны католік абавязаны ўдзельнічаць у Святой Імшы кожную нядзелю, а таксама ў наступныя ўрачыстасці і святы:
Святой Багародзіцы Марыі – 1 студзеня.
Аб’яўленне Пана (Тры Каралі) – 6 студзеня.
Святога Юзафа – 19 сакавіка.
Унебаўшэсце Пана – з календара рухомых святаў.
Цела і Крыві Хрыста (Божага Цела) – з календара рухомых святаў.
Святых апосталаў Пятра і Паўла – 29 чэрвеня.
Унебаўзяцце Найсвяцейшай Панны Марыі – 15 жніўня.
Усіх Святых – 1 лістапада.
Беззаганнага Зачацця Найсвяцейшай Панны Марыі – 8 снежня.
Нараджэнне Пана – 25 снежня.

Ліста лектараў (травень - жнівень)

Паважаныя Парафіяне!
 
Для абвяшчэння Слова Божага пакліканы найперш біскупы, святары і дыяканы. У выкананні гэтага абавязку ім дапамагаюць лектары. У супольнасці вернікаў лектары чытаюць Божае слова, тым самым выхоўваючы ў веры дзяцей і дарослых, рыхтуючы іх да годнага прыняцця сакрамэнтаў.
Пн Ат Ср Чц Пт Сб Нд
1
2
3
4
5
6
7
8
9
10
11
12
13
20
21
23
24
25
27
28
29
30
31

РАСКЛАД НАБАЖЭНСТВАЎ

Кожны католік мае абавязак у нядзелю і абавязковыя святы ўдзельнічаць у святой Імшы – Эўхарыстыя

Расклад святых Імшаў у нашай парафіі ў нядзелю:
8.30 11.00 15:00 19.00

КАРОТКІ КАТЭХІЗІС

ПРА БОЖЫЯ ЗАПАВЕДЗІ ч.1

38. Што Бог даў людзям, каб яны ведалі, як жыць?
- Пан Бог даў людзям сумленне і 10 запаведзяў.
39. Як гучыць першая запаведзь?
- Я - Пан Бог твой, не май іншых багоў, апроч Мяне.
 40. Калі мы выконваем першую запаведзь?
- Першую запаведзь мы выконваем, калі верым у Пана Бога і ва ўсё, што Ён аб'явіў, размаўляем з Ім на малітве, пазнаём Яго праз чытанне Бібліі і на занятках па рэлігіі.
41.Як гучыць другая запаведзь?
- He ўжывай імя Пана Бога твайго дарэмна.
42. Калі мы выконваем другую запаведзь?
- Другую запаведзь мы выконваем, калі імя Пана Бога вымаўляем з пашанаю, калі з пашанаю вымаўляем імёны Маці Божай і святых, калі шануем асвячоныя рэчы і месцы, калі з павагай адносімся да асобаў, пасвечаных Богу, калі адпаведна паводзім сябе ў касцёле.
43. Як гучыць трэцяя запаведзь?
- Памятай дзень святы святкаваць.
44. Калі мы выконваем трэцюю запаведзь?
- Мы выконваем трэцюю запаведзь, калі ў нядзелю і ў прадпісаныя святы дні ўдзельнічаем у святой Імшы, аддаючы пашану Пану Богу, калі ў гэтыя дні не робім неабавязковую працу, калі адводзім час на адпачынак і добрыя ўчынкі.
45. Як гучыць чацвёртая запаведзь?
- Шануй бацьку свайго і маці сваю.
46. Калі мы выконваем чацвёртую запаведзь?
- Мы выконваем чацвёртую запаведзь, калі любім і шануем сваіх бацькоў, слухаемся іх і дапамагаем ім, а таксама калі з пашанаю адносімся да настаўнікаў, выхавацеляў і старэйшых, калі любім і молімся за сваю Айчыну.
47. Як гучыць пятая запаведзь?
- He забівай.
48. Калі мы выконваем пятую запаведзь?
- Мы выконваем пятую запаведзь, калі клагюцімся пра жыццё і здароўе сваё і бліжніх: выконваем правілы дарожнага руху, не курым і не ўжываем алкагольных напояў, не б'ёмся, апранаемся адпаведна надвор'ю, не крыўдзім бліжніх, а таксама калі беражліва адносімся да прыроды.
Go to top